Mayong Pigmamangno an Saldang

mayo siyang pakiaram sa
sa maski ano paman,

sa batok kan mga ayam
sa tugraik kan orig sa tangkal
sa naghahalhal nang damulag
sa mga nagrararatang mga gamgam
sa mga nagrurulutaw na sira
sa pagruluwasan kan mga halas
sa buwayang nagin nang gapo
sa pag-atake nin mga sirum sa kaharongan

sa aking nakairihi sa higdaan
sa naghihinagdan na gurang
sa parainom na inaatake nin helang
sa ansudon na parapadyak
sa panos na biyo an pagsangaw

sa pagbulos nin daing labing ganot
sa mga nahahalang na halanohan
sa mga nagdudurugong kublit
sa dae masayod na pagtakig
sa pagsuka nin dugo
sa paglagapak nin payo sa salog

sa mga nag-iirinoman na nauli sa taragaan
sa mga nagchuchungki kun saen dyan
sa mga dae pa tapos mag-anohan
sa mga dae pa napapatorog
sa mga durog pa an ulunan habo pang butasan

sa mababaatang kasilyasan
sa daeng ontok tigab kan gripo sa sakduhan
sa dae matapos-tapos na tinampo
sa linintian nang dam

sa naggagaratak na daga
sa mga nalalapang umahan
na mga nasusulong kadlagan
sa mga naating kadagatan
sa mga nagtutugang bulkan
sa makukusog na pakol kan duros
sa daeng ontok na pagbulos kan uran
sa pagrumpag kan mga darakulang gapo

sa kaogmahan
sa kamurawayan
sa katotoohan
sa katikapohan
sa kasalan
sa kagadanan
sa rimpos nin dae masukol na katibaadan

sa saiyang kaglalang

ta an saldang ginibo
tanganing magsirang sa sirangan
dangan magsulnop sa sulnopan.

03-29-10/ 04-17-10
O.S. Benedictus

Oda ni Judas sa Sarong Kristyanong Tupa

pigtataram niya daa
an uniberso

pig-aawit an
mga kansyon nin buhay

asin pigpapahiling
an mga dae nahihiling
kan mga butang, arog ta.

Siya sarong eskriba
hale sa langit

musa nin arte,
sa saiyang toong kamot an karaba
nin daeng labing kamurawayan

siya an kordero,
Diyos na nanitawo.

Kahambugan-

ta siya sarong pariseo
pigkukurit an mga
surat nin sarong heretiko,

ta maski nuarin
an hawak asin an kalag saro

asin an mga tataramon
kugos an kublit na
saiyang pinaghahalean.

O.S. Benedictus
03-23-10

Imprenta

Pinaparolyo
ang bote ng C2
sa aking mga palad-
waring ginagaya ang
kumpas ng pagaspas
ng mga sanga ng Acasia
na sumasayaw sa indayog ng hangin-
sinasariwa ang mga memorya
ng walang hanggang kalagayan ni Sisyphus.

3-10-10
O. S. Benedictus

? #1

arog kan pagwalat
kan ngipon
nin pulang
sirum
sa tabay
nin sarong parapadyak
mantang siya nagpipidal –

kinagaw.


03-05-10
O. S. Benedictus

History Class

sa isang lumang klasrum
nagbabadya
ang tunog
ng isang sirang
eletricfan–

nanlalamig ang
kamay ng propesor,
walang patid
ang pagpunas
ng malagripong pawis.

Bumabalik ang mga memorya –
ang mga alingawngaw ng putok,
walang patid na sigaw
na sinasaliwan
ng mga hagupit ng latigo at
tunog ng hinihilang kadena.

Sa isang iglap nilamon
ng katahimikan ang lahat,
nahinto ang propesor–
takot na tinititigan ang mga labi
ng kanyang mga estudyante–
natutulog.

03-01-10
O. S. Benedictus