Rejected POem #1

An pagrogon
kan mga burak
nin santol

sarong signos
nin paaboton na pagtugpa
nin mga urog-udog
sa daga.

Sarong pangapodan
nin pagtingkalag
sa kalangitan

asin giraray na pagnawnaw
sa tubig kan
biko-bikong salog.

Ta dai ta aram
baka sarong banggi
magimata nalang kitang
dai na nag-eerok
an mga bituon sa kalangitan.

(1-27-11)

Hindi sapat ang ilusyon

(-para kay Sigmund)

Wala nang talab
ang bawat indayog
ng mga sagradong kamay.

Wala nang alab
ang mga kandila
na hinihihipan ng malaunos
na pagkadalita.

Naghihimulmol na
ang sotana, napupunit na
ng sinag ang dati'y makakapal
na kurtina na kinulayan na ng alabok.

Wala nang bisa
ang mga matatandang dasal
bagkus hinahalina na
ang mga maligno't aswang.

Maikli na
ang manto, lumaki na
ang birhen dahil sa malimit na
pag-iyak ng kisame.

Namamaos na
ang maladiyos na tinig
na nabarahan na ng nikotin at tar.

Inaamag na
ang ostiya, luray-luray na
ang corpus, mainam nang irasyon
sa matatandang deboto.

Inaanay na ang krus,
kumakalas na ang mga pako
mula sa mga banal na sugat,
kumakalat na ang tetano.

Pinapasok na
ng kiti-kiti ang agwa bendita.

Nililimak na
ng mga heganteng lamok
ang mga deboto.

Sabay bulong ng sakristan
sa namamanghang pari:

“Father. hindi na sapat
ang ilusyon.”


12-02-10

K-ismo

Napiyok

si turaok

kan texas ming manok –



nagbaratokan

si mga ayam



nagkurutatan

si mga manok ming ataman.



09-30-10

Emperador

Nadakop ni mama su saray kong Emperador
na nakasuksok sa ruruskat kong durabox.

Makulog.

Dai niya man ngani ako piglatob
siring dai man pigbanog.

Giraray,
makulog.

Ta dai man lang kaya siya
nagdangog. Garo ako nabungog.

Giraray,
biyong makulog.

Dai niya man lamang kaya
pigdangog su mga urog-udog,
kan mga nakaaging bangguing:

maliwanagon na marhay an bulan.


08-21-10
- ben

Santol

Mayo na nin hamis
an tulang
na sakong ugom
sa laog nin anom na oras.

Sa kada segundong
minaagi, biyong nag-iisog an pait
na pirit nagwawarak hasta
sa kapuru-puruhi kan sakong ngabil –

pighahamil an sakong daghan
nin mga dai mga mauntok na pangiturugan
mantang pigpapano an sakong payo
nin nagsusurupay na rekwerdo
nin dai matapus-tapos na agi-agi.

Sabot ko,
uminabot na an panahon,

kaipuhan nang iluwa
an tulang
bago pa man halunon kaini
an mga huring kurubkutob
asin simuton an natatadang hamis
sa sakong ngabil. –

giraray hilom,
an huring paglaom na ini
giraray matambo,
ipapadagos an hamis
na minsan ihineras kaini sako.

(dahil ki Tin)
7-25-10

Di na muling magsusulat pa ng malulungkot na tula...

Di na muling magsusulat pa ng malulungkot na tula –
lalo na yung mga tipong nakakalula
yung bang nakakatunaw ng kandila
yun bang nakakapilipit pa ng dila.

“Ewan ko ba kung ba't ganito ang buhay?”
Yun, yung mga tipong ganun ba
siguro'y kelangan tigilan ko na
napapansin ko kaseng para pangmatanda na.

Try ko na rin sigurong maging makata
yun bang may ritmo't may tugma
tsaka amoy rosas na mga salita,
pero metro tiyak na walang-wala.

Pag-ibig siguro'y iiwasan ko na
nang di na bumalik ang mga limot ko na
at ang aking lililukin ang mga kaligayahan
nang di mabahiran ng mga karahasan.

Lahat na siguro'y babaguhin ko
wag na wag lang siguro ang inspirasyon ko
na sana binabasa ang obrang ito
masaya't nakangiti sa bago kong ritmo.

Kaligayahan para sa'yo o aking iniibig
nawa'y taglay mo parin ngiting kaibig-ibig
at wala nang pangamba di na 'ko mamimilit
tapos na pagdidilig tinapos ko nang pilit.

Ako'y masaya kung ika'y masaya
alam mo naman iyan din ang aking nasa,
wag lang kalilimutan na ako pari'y kaibigan
naghihintay lang dyan kung saan na iyong lapitan.

Ay, binali ang pangako na akin palang inusal
patawad sa lahat yan ang aking dasal
at kung magkaganun man na hindi ako patawarin
malulungkot na tula'y ipapatuloy ko parin.

Wala man daw saysay itong habag kong tula
na sa mga kritiko't manunula'y animo'y isang bula
dahil daw sa metapora't ayroniya'y dukhang-dukha
walang puwang sa literatura't mga pamumuna.






Pakialam ba nila, ito kaya'y aking tula
awtentikong manepistasyon ng aking mahabang dula,
ng bigong pag-ibig na pinilantik ng dila
sumasayaw, umaawit sa saliw ng diwa.

Panalangin ko O J* bugtong ay batid mo na
nang di na mabagabag ang iyong kaluluwa
unang yugto ng berso ay tinapos ko na
para sayong lubos kaligayahan at ...)***



-shi san
07/22/10

kay Sisyphus...

pareho nating ginapos

ang kamatayan

sa ating mga palad,

at ngayon - kailanma'y

wala nang lilisan.

-ben

Bulalakaw

(kay Gaea, una at huli)

Ako ang bitwin na namatay -
kinain ng sarili kong kapangahasan
at karup'kan na nagsilbing mitsa
ng aking sariling pagkawasak.

Ako na rin ang kalawakan
na sinagi ng iyong dagliang paglisan -
parang malamig na hangin na sumampal
sa tuog kong mga pisngi.

Ako na rin ang langit
na numamnam sa lahat ng kirot at hapdi -
parang isang punyal na tumagos
at unti-unting pumunit sa aking kalamnan.

Ako na rin ang mga mata
na nakatingala sa kalangitan
na dagliang nakasilay sa iyong walang
katumbas na karik'tan -
kahit sa huling iglap man lang -
napawi ang lahat ng luha.

At sa huli, ako pa rin ang tigang na lupa
na sasalo sa mga suntok ng pangungulila
at iiwanan ng isang marka - alaala
ng isang nakaraang pag-ibig.


06-18-10
-ben

Oda sa nawarang pagkamoot...

Ngunian na banggi, pirit kong pigpapasarumsom
sa rawitdawit na ini an mga memorya asin pagmati
na dai ko aram kun gadan na o naghahalat-halat sanang
mapurisaw, mga pagmati na dai pa sana naghahaloy
daing ontok na pigbatok an nagtotorogtorog kong kalag
asin piglamos an sakong pagmansay nin mga luha
na dawa ako dai aram kun sain nagharali asin kun sain mapasiring,
kun papanong sa mga bangging idto biglang nagsilyab
an bulan asin natamongan nin dai masayod na kamunduan
asin kun papano an mga bituon garo ako pighiling
hale sa harayo, dai ontok na pigtangisan. Muya ko nang magadan
kun aram mo lang, ipaatong an sakong hawak sa mamundong
sulog kan salog kaibahan kan pagmati kong dai mabunyagan
o kun dai italbong sa nagagaratak nang daga sa kaumahan.
Habo ta ka nang kamotan siring na habo ko na, asin kun
tano ako naghabo, iyo ta namomotan ta ka nin orog
sa sakong buhay, asin dawa pa habo ko na pirit man giraray
pigkukurubkutob kan sakong daghan an daing sagkod na
pagkamoot ko saimo. Haen na baya an mga bangging idto
na pirit kong piglingawan? Asin ta daw nagimata na sana
akong mayo na an silyab kan bulan? Ta daw pirit pang pighahanap
an mga pagmati na kaidto ngani muya ko nang paanodon
sa mamundong sulog kan salog, garo sarong bangungot na
muya ko nang dulagan? Nasain na baya an lanit na dara
kan pagkapungaw ko saimo? Nasain na baya an kamunduan
na sakong nagin kaolayaw mantang ika sakong kinamotan?
Ta daw ngunian pirit kong pang pigkakalot asin pigrururip an
pagkamoot na minsan ngani pirit kong nang pigpaanod asin pigtalbong
sa kawaran? Nasain na daw an mga luha asin hibion na nagpapabilog
sa dai ko matapos-tapos na rawitdawit? Baad pigpalid na kan
duros sa harayong lugar tanganing dai ko na mahiling o pigkaon na
kan sarong dakulang aliwowos asin pigdara sa kairaroman kan dagat o
pighalon na kan daga o pig-ikit kan sarong masusuyaon na diyos na pagal
nang magdangog kan sakong mga hibi. Dai man lugod sinda
sala sa paggibo ninda kaidto, dai man lugod sinda magbasol
sa bandang huri. Pangadyi ko lang na dai na mag-abot an aldaw
na magtakig an daga, luguson kan dagat an baybayon, mabua
an paros, asin magaba an kalangitan. Habo ko nang may maraot pa.
Habo ko nang may makol'gan pa. Kontento na ako na sa laog
nin halawig na panahon namotan ta ka. Asin nunca dai ako nagbabasol
na naglaog ka sa sakong buhay, dawa duros man ngani sana.







Mayo na daw talaga an pagkamoot
sa sakong daghan na minsan nagsumpay sa sakong buhay asin nagpatud
man sana kaini?

Dai ko na dapat ini pighahapot pa, tibaad
mayo na talaga.

Lugod lingaw ko na. Lugod...

...dai pa.



*Oda: sarong awit bakong sarong porma nin rawitdawit..

June 4, 2010
-ben

Kan bangging nawara su bulan...

Hilnga,
ta an bulan
mayo na.

Hilnga,
ta pighalon
na ni Bakunawa.

Hilnga,
an gayon
kaning dara-dara.

Hilnga,
dawa ngani
mayo na.



Haen,
mayo
man baga?


05-17-10

Reyna

Kinaon ko si pon,
dai si hade natanyog.

Kinaon ko si bishop,
napangisi dangan
siya nagpamisa .

Kinaon ko si knight,
nagkulog su saiyang buot
asin nagpainom.

Kinaon ko si tower,
napano nin pagduwa-duwa -
nagtakig na siya.

Kinaon ko si Reyna,
mayo, tuog na siya-
ako na an gana.

Horophorop kan sarong Turik sa Chicharon

Chicharong baboy,
minsan pighahapot ko
an sakong sadiri:

Papano daw pignanamitan
kan talinga
an simong siram?

Pangadyi

Iyo,

halat lang...

dae.


mga simbag ko
sa tawong nagduduwa-duwa
kun turog baya talaga an Diyos.

Misteryo: An Huring Berso

(-para sa kapahingaloan kan aldaw na
binutasan ko an patod na tamsi. Para sa
aldaw na rinatak kan pararawitdawit an pagkamoot
asin kagadanan. Para sa sakong musa. Para sa
aldaw ka saiyang pagkawara.)


Kun papano ko naisurat
an rawitdawit na ini,
iyan sarong misteryo
na maski nuarin dai ko masabotan.

Kun pano ako nagimata-
nagbukaras hale sa higdaan,
kinua an panurat asin pinunan
isurat an mga berso
na dawa ako, nagduduwa
kun sain naghali asin
kun sain mapasiring.

Kun papano sa sarong iglap
nasabotan an ko an
an mga kurobkotob kan
sakuyang daghan- minsan ngani
marikas, sako ining naisurat
sa paagi nin mga tataramon
na dawa ako, dai mamidbiran.

Kun papanong sa aldaw
na idto, enot kong nahiling
an mga dai nahihiling- poon
sa tawong lipod, bakunawa,
aniningal, diyos nin tukawan,
kristyanong tupa asin mga
mga linalang na dawa sa mahulyas
na pangatorogan dai ko pa nadukhayan.

Kun papano kaini pigpurisaw
an turog kong kalag mientras
nahiling an nagsisilyab na kawit
ni kamatayan. Silyab na nagpapadagos
sakong magdalagan mantang pighihimo
asin pigtatais an sakong mga tataramon
na sa maabot na panahon sakong
isasagang asin ikakalaban sa
daing ontok na alisngaw kan
paaboton na kagadanan.

Kun papano ko hinanap
an kaogmahan sa tahaw kan
dai masayod na absurdidad- poon
enot kong pagdupa sa mga gapong igwang
lawog, pagtalbong sa mga aniningal,
sa pag-uran nin gapo, pagtakig kan
daga, pag-isog kan gabos, asin
daing ontok na rimpos
nin katibaadan mantang kugos
an paros na haloy ko nang dai nahihiling.

Kun papano ko pinirit na
ikurit an lawog kan Kaglalang
asin nadangog an kurahaw niyang
orog kahalangkaw- sarong
misteryo na dai magugumlo,
maikukurit asin maisusurat.

Kun papano ko kinaon
an batag na nagpanamit sako
kan sakrot nin totoong pagkamoot
na dawa anong pirit dai na mapapara,
arog kan pagrata kan putol na ikog
kan tabili minsan ngani naumay
mawalat man giraray nin gira na sa
daing kasagkoran saiyang dadarahon.

Asin kun papano ko tataposon
an rawitdawit na ini- giraray
sarong misteryo dawa nuarin
dai ko masasabotan, an aram ko
sana dara-darahon ko sa daing
kasagkoran an gira na saimong
winalat minsan pa ngani pigratak
asin binutasan ko na ini- an huring
tamsi na minasumpay sa sako saimo.

Iyo ini an aldaw na sakong
raratakon an mga berso- hilnga
an pagrata kan sakong mga tataramon,
matea an pagal kong panurat asin dangoga
pagpundo kan mga kurobkutob kan sakong
daghan minsan ika an dahilan siring
ika man an kataposan. Hilnga ta kinukugos na
ninda daga, hilnga ta bako nang
luha an minabulos sa sakong mata- kundi
mga tataramon na padikitdikit nang
minasuway sa kublit kan pararawitdawit.

Oh musa, hilnga ta an pararawitdawit
mayo na- kinaon na kan daga mantang
pigkukurahaw an himno kan saimong pagkawara
asin ngunian kaolayaw an mga ulod na
minahinghing sa saiya- pigbabareta an
paaboton na paros asin dai na
maikurahaw an saimong ngaran-
ta an pararawitdawit nagadan asin
sa apatnapulong aldaw, giraray
na mabungakaras- kapot an
saiyang panurat na patos nin dugo


05-13-10

Phase 2: Liwat na Pagbungkaras kan Pararawit-dawit

Matea
ta an
berso

liwat
minabalik
sa kublit
kan pararawit-dawit

dangoga
an saiyang
kurahaw.

Tawong Lipod

Tabi,
apo.

An totoo
nahihiling ko sinda,

Tabi,
apo.

tinugon sana kaya
sako kan sakong ama
na likayan sinda.

(05-08-10)

Saimo

Hilnga
kun
papano
ko
an

pagrugon
kan
sakong
mga
berso.

Kun
papano
piglalaag
an
mga
pagmate
sa
mga
haralipot
na
tataramon. Kun
papano
ko
pinapano
nin
kahulugan
an
duwa
o
sarong
letra.
Ta

puon
kan
aldaw
na
idto

pig-aantisiparan
ko
naman
an
paglapiga kan sakong pagal nang panurat.

Elehiya kan Aking Palatakot

Ama!,

hale sa mga tinao ninda
sakong hirog:

sa payo, kamot,
bitis asin tulak,

tuminambo
an mga alang
na awot,

na nagkawsa
nin dae masayod
na pagtakig
kan saindang mga kalag.


-akikanpalatakot
04-19-10

An Samong Kakanon Sa Aro-aldaw

Sa sarong dakulang harong, nagkakarakan
an sarong pamilya, pigbabarangaan
an sarong dakulang litson asin mga matatabang karpa.

Mantang sa saindang pamitisan, naghahalat an mga ataman
na ikos, piggigirokan an mga saindang mga tabay, pighahalat
an mga pagragrag o kun dae, pagtoron kan mga tulang asin dugi.

Dangan an mga sirum na kolor pula nagmamartsa na
pasakat sa lamesa, naghahanda nang simoton an mga
natadang mga ngima na dae pa natatrapohan kan mga katabang,
na nagsasarama pa sanang magkakan sa kusina, pigtitios
arahiton an mga tadang laman sa litson asin pirit na pigsususop
an tagok kam mga tadang payo kan karpang dae nahiro. Nagraralanab an

saindang mga ngabil mantang nagtitilamtilam. Pigpapasalamatan
an Diyos sa kaitasan mantang piggigiromdom an saindang mga aki na
winalat sana sa kataid na harong, na dae sigurado kun nakakarakan naman.

Dae naghaloy, nagribok na an kulungan dakulang senyales na kaipuhan linoan
an mga plato asin tiponon an mga tulang asin dugi dangan ibahog sa naglalaway
nang ayam, na biyo ang pagoorag mientras nadangog su bagting kan kaldero.

Dae naghaloy, nagbatok giraray su ayam, mati na kan katabang na yaon na su kapay gurang,
na kada odto yaon tanganing maglimos nin tadang kakanon. Suya na nagluwas
an nasirong katabang, kinua an tadang tulang sa bahugan dangan pinatoron sa kapay na gurang.


O.S Benedictus
04-10-10

Mayong Pigmamangno an Saldang

mayo siyang pakiaram sa
sa maski ano paman,

sa batok kan mga ayam
sa tugraik kan orig sa tangkal
sa naghahalhal nang damulag
sa mga nagrararatang mga gamgam
sa mga nagrurulutaw na sira
sa pagruluwasan kan mga halas
sa buwayang nagin nang gapo
sa pag-atake nin mga sirum sa kaharongan

sa aking nakairihi sa higdaan
sa naghihinagdan na gurang
sa parainom na inaatake nin helang
sa ansudon na parapadyak
sa panos na biyo an pagsangaw

sa pagbulos nin daing labing ganot
sa mga nahahalang na halanohan
sa mga nagdudurugong kublit
sa dae masayod na pagtakig
sa pagsuka nin dugo
sa paglagapak nin payo sa salog

sa mga nag-iirinoman na nauli sa taragaan
sa mga nagchuchungki kun saen dyan
sa mga dae pa tapos mag-anohan
sa mga dae pa napapatorog
sa mga durog pa an ulunan habo pang butasan

sa mababaatang kasilyasan
sa daeng ontok tigab kan gripo sa sakduhan
sa dae matapos-tapos na tinampo
sa linintian nang dam

sa naggagaratak na daga
sa mga nalalapang umahan
na mga nasusulong kadlagan
sa mga naating kadagatan
sa mga nagtutugang bulkan
sa makukusog na pakol kan duros
sa daeng ontok na pagbulos kan uran
sa pagrumpag kan mga darakulang gapo

sa kaogmahan
sa kamurawayan
sa katotoohan
sa katikapohan
sa kasalan
sa kagadanan
sa rimpos nin dae masukol na katibaadan

sa saiyang kaglalang

ta an saldang ginibo
tanganing magsirang sa sirangan
dangan magsulnop sa sulnopan.

03-29-10/ 04-17-10
O.S. Benedictus